CONTIDO (da páxina da editorial): Fins do século X. A morte de Alhakén II deixou o califato de Córdoba en mans de Hisham II, un neno de once anos. O seu titor, Almanzor, aproveita a circunstancia para reinar no seu nome. Entre as súas disposicións destaca a queima de miles de volumes da biblioteca de Córdoba. Só se salvarán uns poucos, a lombos dunha mula guiada por un ladrón e unha parella de escravos. O guionista Wilfrid Lupano (Os vellos fornos) e o debuxante Léonard Chemineau asinan neste álbum maxistral unha carta de amor ao saber, a tolerancia e os logros da cultura como última barreira ante o avance dos totalitarismos.