O noso cole nunca pecha
Oferta a tempo completo
A oferta do colexio vai máis aló do tempo lectivo: actividades e grupos para todos os tempos do alumnado, dende un mesmo proxecto educativo, de forma complementaria e coordinada, na procura da educación integral. E o patio, aberto de luns a domingo.
Nesta páxina
Como funcionan
A xestión diaria das actividades faise a través do Centro Xuvenil Abertal. A ficha de inscrición envíase ás familias ao remate do curso para facer unha estimación, e hai outra inscrición ao comezo do curso.
- Duración e horarios: do primeiro día lectivo de outubro ao último de maio, de luns a xoves de 12:30 a 13:30 e de 16:30 en diante.
- Altas e baixas: por escrito, co impreso que se pide en Abertal, procurando que sexa ao final de cada trimestre.
- Criterios de admisión: nas actividades con límite de prazas, ten prioridade o alumnado que xa participaba o curso anterior.
- Matrícula: preinscrición en xuño para o curso seguinte; en setembro péchanse os grupos segundo a demanda.
Folleto do curso
Actividades e horarios
Baile moderno
Expresión corporal, danza, elasticidade e coreografías que desenvolven o oído musical, a psicomotricidade e a memoria corporal.
- Infantil e 1.º-2.º EP: martes e xoves, 12:30–13:30.
- Primaria e Secundaria: martes, 16:30–18:00.
Balonmán
Actividade deportiva moi completa, tanto física como cognitivamente.
- Primaria: luns e mércores, 16:30–17:30.
Debuxo e pintura
Descubrir de maneira divertida a creatividade que levan dentro, con técnicas artísticas.
- 1.º a 3.º EP: luns e mércores, 12:30–13:30.
- 4.º a 6.º EP: martes e xoves, 12:30–13:30.
Guitarra
Iniciación lúdica á práctica e execución deste instrumento.
- Primaria e Secundaria: xoves, 16:30–18:00.
Iniciación ao deporte
Baloncesto, tenis, fútbol, hockey, atletismo, balonmán… ademais de equilibrio, movemento e flexibilidade.
- Infantil e 1.º-2.º EP: luns e mércores, 12:30–13:30.
- Infantil e 1.º-2.º EP: martes e xoves, 16:30–17:30.
Teatro
Obradoiros de interpretación por idades, con xogos e exercicios de comunicación e expresión, ata a posta en escena de montaxes teatrais.
- Primaria: luns, 16:30–18:00.
Xadrez
As regras e fundamentos desta disciplina, dun xeito divertido.
- Infantil e Primaria: luns e mércores, 12:30–13:30.
Kung-fu Di Som
Cualidades físicas e de coordinación, autodisciplina, concentración e habilidades de autodefensa.
- 5 e 6 anos de EI e 1.º a 3.º EP: martes e xoves, 12:30–13:30.
- 4.º a 6.º EP e Secundaria: martes e xoves, 16:30–17:30.
Ludoteca en inglés
Xogos, obradoiros, dinámicas, contos e cancións en inglés.
- Infantil: luns e mércores, 16:30–17:30.
Multiactividade
Xogos, obradoiros, experimentos e dinámicas cooperativas. Para favorecer a conciliación, catro días á semana, a escoller.
- Infantil e 1.º-2.º EP: de luns a xoves, 16:30–18:00.
Música e xogos teatrais
Danzas populares, construción e manipulación de instrumentos e sensibilidade musical, xunto co xogo dramático e a expresión corporal.
- Infantil e 1.º-2.º EP: martes e xoves, 16:30–17:30.
Patinaxe artística
Danza e expresión corporal sobre patíns. Precisa vestiario específico e patíns propios.
- Infantil e Primaria: luns e mércores, 12:30–13:30.
- Infantil, Primaria e Secundaria: mércores, 16:30–18:00.
Tecnoloxía educativa
Dispositivos, contorna Google, aplicacións, iniciación á robótica e compoñentes internos dos equipos informáticos.
- 3.º a 6.º EP: luns e mércores, 16:30–17:30.
Taekwondo
Arte marcial que mellora a coordinación, a plasticidade e o equilibrio con técnicas e movementos defensivos.
- Infantil e Primaria: luns e mércores, 16:30–17:30.

Clube deportivo
Fútbol sala. Equipos dun máximo de 12 xogadores e xogadoras:
- Minis mixto (escola deportiva): luns e mércores, 17:30–19:00.
- Prebenxamín mixto: martes e xoves, 17:30–19:00.
- Benxamín mixto: luns e mércores, 17:30–19:00.
- Alevín mixto: martes e xoves, 17:30–19:00.
Baloncesto. Equipos de infantil a sénior, masculinos e femininos. Os horarios de adestramento decídense cada ano, nas franxas de 12:30 a 13:30 ou a partir das 17:30. O clube colabora tamén co colexio Don Bosco (Salesianas de Coia).
Escola de idiomas
En colaboración con Synergy Didactics, grupos de idiomas en diferentes formatos e horarios.
Basic
Inglés para Infantil, Primaria e ESO. Unha sesión á semana, de 17:40 a 19:00.
Plus
Inglés, francés, alemán e italiano para Infantil, Primaria e ESO. Dúas sesións á semana, de 12:40 a 13:30.
Exam
Inglés para ESO e Bacharelato, orientado ao exame de Cambridge. Unha sesión á semana, de 16:30 a 18:20.


