Ir ao contido

Chromebook

Salesianos Dixital

Proxecto 1×1 con Chromebooks · Curso 26-27

Desde o curso 16/17 desenvolvemos un proxecto, a partir de 6.º de Primaria, co uso de dispositivos dixitais 1×1 na aula, propiedade de cada alumno ou alumna. O dispositivo é unha ferramenta máis dentro dun abano amplo de recursos: a dinámica de aula non xira en torno a el, senón que se engade como vía de acceso a contidos dixitais, facilita o traballo en equipo e serve para crear contido.

Nesta páxina

O proxecto

Dispositivo Chromebook

O modelo proposto este ano é o Acer C937 de 14″: un equipo moi resistente, pensado para o ámbito educativo e deseñado para ser usado por nenos e nenas.

Contorna Google

Todo o alumnado ten unha conta no dominio @aulasalesianosvigo.es que o acompaña durante toda a escolarización: documentos, presentacións, sites… e Google Classroom como centro de aprendizaxe das materias.

Blocksi

Ferramenta de control parental moi completa para os dispositivos, cun custo anual de 15 €. Máis información

Recursos dixitais

Libros, aplicacións, plataformas e recursos de elaboración propia. Desde o centro encargámonos da compra, xestión e instalación das licenzas dixitais de cada curso.

Servizo de xestión

Desde o colexio asumimos todas as intervencións relacionadas cos Chromebooks, das incidencias técnicas á conectividade na casa.

Man dun alumno tecleando nun portátil

Condicións de compra

O noso provedor é Xenon, distribuidor e servizo técnico oficial de Acer. A compra faise na súa web, proyectos.xenon.es, co código do colexio MASV2614. É importante usalo: así a compra asóciase ao centro, os equipos chegan directamente ao colexio e entregámolos ao alumnado en setembro.

  1. Rexistrádevos na web de Xenon cos vosos datos.
  2. Rexistrade a cada fillo ou filla que precise o equipo, co código MASV2614.
  3. Escollede o Chromebook e, se queredes, a extensión de garantía.

A garantía estendida de 3, 4 ou 5 anos cobre practicamente calquera accidente; as roturas de pantalla teñen unha franquía de 30 €. Recomendámola, pero é unha decisión de cada familia.

Tarifas do curso 26-27 (IVE incluído)

  • 413,01 € Acer C937 de 14″
  • 54,45 € extensión de garantía de 3 anos
  • 66,55 € extensión de garantía de 4 anos
  • 95,59 € extensión de garantía de 5 anos

Os prezos xa inclúen a licenza de Google (42 €), necesaria para usar os equipos nas clases e aplicar as políticas de uso. Pódese pagar con tarxeta ou Bizum, ou financiar con Cetelem ou CaixaBank: formas de pagamento.

Servizo de xestión

Xestión integral dos dispositivos, con un custo total de 200 € en cotas mensuais de 20 €, de setembro de 2026 a xuño de 2027. Inclúe:

  • Libros e recursos dixitais: compra e instalación, diferentes en función do curso.
  • Administración dos dispositivos: instalar e desinstalar aplicacións, medidas de seguridade, acceso restrinxido a internet… no centro e atendendo as peticións das familias.
  • Botiquín e avarías: xestión das avarías ante o fabricante e préstamo dun dispositivo substituto dende o primeiro momento.
  • Xestión de incidencias: un profesional dedicado a asesorar e solucionar as incidencias destes dispositivos e doutros complementarios, no centro e no domicilio.

Preguntas frecuentes

Teño que mercalo a través do colexio?

Si, agás en casos excepcionais que valoraremos previamente. Estes dispositivos son a opción escollida polo centro e non adoitan atoparse máis baratos noutros establecementos. Se se merca fóra, hai que adquirir tamén a licenza de Google (34 € + IVE, xa incluída no prezo do noso distribuidor) e, en caso de incidente, a familia terá que xestionar a reparación; cos equipos de Xenon, o colexio encárgase de todo.

Se non o reservo agora, podo mercalo máis adiante?

Si, por suposto, aínda que non podemos garantir os tempos de recepción (setembro) nin o prezo.

É obrigatoria a ampliación de garantía?

Non, pero recomendamos facela, se ben é unha valoración de risco que corresponde a cada familia.

É suficientemente áxil o Chromebook para as tarefas diarias?

Si. As aplicacións de Google e os recursos dixitais que empregamos non requiren moita capacidade de proceso.

Que abarcará o uso do Chromebook?

É unha ferramenta para acceder a contidos en liña, a libros dixitais almacenados no dispositivo, a ferramentas de traballo colaborativo e a aplicacións educativas.

Que uso vai ter na aula?

A dinámica de aula non xira todo o tempo ao redor do dispositivo, do mesmo xeito que agora non xira en torno ao libro. Hai diferentes formas de traballo segundo o curso e a materia, e o dispositivo é unha ferramenta máis.

Afectará á escritura en papel (caligrafía e ortografía)?

Non: o papel e a escritura seguirán tendo un papel importante durante toda a escolarización. O que non é viable é o contrario, mellorar a competencia dixital sen acceso ao dispositivo.

Pódese empregar sen wifi?

Si, pero non con toda a súa potencialidade, xa que se perde o acceso aos contidos en liña. Os libros dixitais de Edebé poden descargarse, así como as aplicacións de Google (texto, presentacións, follas de cálculo…) e os documentos, que se sincronizan despois.

Tes dúbidas?

Escríbenos por WhatsApp ou a info@aulasalesianosvigo.es, chama ao colexio ao 986 433 855 ou contacta con Xenon no seu formulario de axuda.

Para cuestións pedagóxicas, pregunta por Humpty; para as técnicas, por Iván.

WhatsApp