Dende o mércores 5 de marzo e ata o 2 de abril permanecerá aberto o prazo para solicitar as bolsas de comedor, libros e material escolar que concede o Concello para o curso 2025-2026.  Van dirixidas, prioritariamente, a menores de familias con dificultades socioeconómicas e de conciliación da súa vida familiar e laboral. As axudas son de dous tipos:

1. Axudas para a adquisición de libros e material escolar para Educación Infantil (2ª etapa). No concepto de material escolar inclúese todo o material necesario para o desenvolvemento do curso académico en función das obrigas de cada colexio e as súas técnicas de aprendizaxe (mandilón, chándal, zapatillas deportivas, material informático e material funxible, mochila, uniforme, máscaras, etc.).

2. Axudas para comedores escolares (de setembro a xuño, ámbolos dous incluídos) para alumnos/as matriculados/as nos niveis de Educación Infantil (2ª etapa), Educación Primaria e Educación Secundaria Obligatoria.

Poderá facer a solicitude e consultar a documentación requirida na páxina web do procedemento específico habilitado ao efecto. https://sede.vigo.org/expedientes/tramites/tramite.jsp?id_tramite=327 

Para calquera dúbida podes consultar no cole.