Co gallo do 50 aniversario da morte de Picasso, na etapa de Infantil propuxémonos coñecer a obra deste artista a través dos seus diferentes períodos. Descubrimos a xenialidade da súa obra e a influencia que tiveron as súas emocións na súa obra.
Convertémonos en pequenos e pequenas Picasso reproducindo as súas obras e interpretándoas ao noso xeito. Cada semana, fomos expoñendo as nosas producións na Aula Magna, para que todas as persoas que se achegaran ata aquí puideran gozar desta exposición.
Dentro deste proxecto tivemos a grande sorte de que visitáronnos dúas grandes artistas: Macarena e Leticia que fixeron un obradoiro moi interesante sobre a experimentación coas cores e a súa relación cos sentimentos.
Para rematar pasámolo xenial visitando a casa na que viviu Picasso na súa infancia, en A Coruña.