O pasado xoves 18 de xuño o alumnado de 5º de Primaria disfrutou da súa excursión de fin de curso. Vaia viaxe nos marcamos ás Illas Cíes!

A crónica dun día perfecto:

• Rumbo á aventura: Comezamos o día cunha viaxe en barco superdivertida, con moitas risas, vento na cara e as primeiras gaivotas saúdando.
• Conquistando o cumio: Nada máis desembarcar, convertémonos en auténticos sendeiristas e puxemos rumbo ao máis alto: a subida ao Faro Grande! Custou un chisco de esforzo, pero todos coroamos o cumio.
• Xogos e baño: Para refrescar as pernas despois da camiñada, fomos directos a dar o primeiro baño na praia da Nosa Señora. Auga cristalina para espertar o corpo!
• Xantar á sombra: Co estómago a pedir guerra, buscamos unha boa sombra para repoñer forzas e compartir o momento de xantar.
• Tarde de luxo en Rodas: Pasamos a tarde na espectacular praia de Rodas, onde tivemos tempo para xogos na area, moita convivencia e, por suposto, o segundo baño do día. Si, a auga estaba conxelada, pero iso non foi impedimento para os nosos aventureiros de 5º de EP.
• O regreso: cun chisco de retraso subimos ao barco de volta coas baterías a cero, o sorriso na cara e algunha que outra area de recordo nas zapatillas.

O mellor de todo? O ben que o pasamos xuntos. Volvemos coas mochilas máis cheas de compañeirismo e recordos inesquecibles.

Vémonos en setembro!