OFERTA A TEMPO COMPLETO

Extraescolares
Deportes
Idiomas

Actividades Extraescolares

 A oferta do noso colexio vai máis aló do tempo lectivo e propón actividades e grupos que atendan a tódolos tempos do alumnado dende un mesmo proxecto educativo, de forma complementaria e coordinada, na procura da Educación Integral. O noso cole nunca pecha, e en especial o patio, aberto de luns a domingo.

  • DURACIÓN e HORARIOS: Comezan o primeiro día lectivo de outubro e rematan o último día lectivo de maio. Ofértanse actividades de luns a xoves de 12:30 a 13:30 e de 16:30 en diante.
  • ALTAS e BAIXAS: Calquera alta ou baixa durante o curso deberá facerse por escrito, cubrindo o correspondente impreso que se solicitará en Abertal, procurando que sexa ao final de cada trimestre.
  • CRITERIOS DE ADMISIÓN: Nas actividades con límite de alumnado, as prazas cubriranse priorizando ao alumnado que xa estaba participando o curso anterior.
  • PROCESO DE MATRÍCULA: En xuño faise a preinscrición de cara ao curso seguinte. Tendo en conta a demanda en setembro péchanse os grupos.

Podes descargar o folleto do curso 24-25 e a ficha de inscrición enviarase as familias ao remate do curso para facer unha estimación e haberá outra inscrición ao comezo do curso. A xestión diaria das actividades extraescolares faise a través do Centro Xuvenil Abertal.

Actividades e horarios

Baile Moderno. EI - EP - ESO

Nesta actividade trabállase  a expresión corporal, danza, elasticidade… E facemos  coreografías que axudan a desenvolver o oído musical, a psicomotricidade e a memoria corporal.

  • GRUPO 1: Infantil e 1o- 2o de Primaria
    Martes e xoves, de 12:30 a 13:30 h.
  • GRUPO 2: Primaria e Secundaria
    Martes, de 16:30 a 18:00 h.
Balonman

Actividade deportiva moi completa, tanto física como cognitivamente.
GRUPO 1: Primaria
Luns e mércores, de 16:30 a 17:30 h.

Debuxo e Pintura EP

Aprenden, de maneira divertida, coa finalidade de descubrir a creatividade que levan dentro con técnicas artísticas.

  • GRUPO 1: de 1o a 3o de Primaria
    Luns e mércores, de 12:30 a 13:30 h.
  • GRUPO 2: de 4o a 6o de Primaria
    Martes e xoves, de 12:30 a 13:30 h.
Guitarra

Os nenos e nenas iniciaranse na práctica e execución deste instrumento musical de maneira lúdica.


  • GRUPO 1: Primaria e Secundaria
    Xoves, de 16:30 a 18:00 h.
Iniciación ao deporte EI -1º, 2º EP

Proposta para mergullarse en varios deportes, como baloncesto, tenis, fútbol, hockey, atletismo, balonmán, etc. Ademais trabállase o equilibrio, o movemento e a flexibilidade.

  • GRUPO 1: Infantil e 1o- 2o de Primaria
    Luns e mércores, de 12:30 a 13:30 h.
  • GRUPO 2: Infantil e 1o- 2o de Primaria
    Martes e xoves, de 16:30 a 17:30 h.
Teatro

Obradoiros de interpretación por idades, baseados no desenvolvemento de xogos e exercicios que estimulan a aprendizaxe de técnicas de comunicación e expresión.
O obxectivo final é a creación e posta en escea de montaxes teatrais.

  • GRUPO 1: Primaria
    Luns, de 16:30 a 18:00 h.
Xadrez

Trabállanse as regras e fundamentos desta disciplina dun xeito divertido.

  • GRUPO 1: Infantil e Primaria
    Luns e mércores, de 12:30 a 13:30 h.
KUNG-FÚ DI SOM 5º e 6º EI - EP- ESO

Neste deporte desenvolven as cualidades físicas e de coordinación, a autodisciplina, a concentración e habilidades de autodefensa.

  • GRUPO 1: 5o e 6o de Infantil e de 1ºa 3ºde Primaria Martes e xoves, de 12:30 a 13:30 h.
  • GRUPO 2: de 4º a 6º de Primaria e  secundaria Martes e xoves, de 16:30 a 17:30 h.
Ludoteca en Inglés EI

Xogos, obradoiros, dinámicas, contos, cancións, … en inglés, para xogar e divertirse.

  • GRUPO 1: Infantil Luns e mércores, de 16:30 a 17:30 h.
Multiactividade

Actividades variadas como xogos, obradoiros, experimentos, dinámicas cooperativas, etc.
Para favorecer máis a conciliación, ofrecemos esta actividade os catro días da semana, podendo elixir calquera opción.

GRUPO 1: Infantil e 1º- 2º de Primaria de luns a xoves, de 16:30 a 18:00 h. (*) días a escoller

Música e xogos teatrais

Combinación de elementos musicais (danzas populares, cosntrución de instrumentos, manipulación de instrumentos clásicos, desenvolvemento da sensibilidade musical) con  introdución ao xogo dramático, moi ligado á música e á expresión corporal.

  • GRUPO 1: Infantil e 1º- 2º de Primaria
    Martes e xoves, de 16:30 a 17:30 h.
Patinaxe artística

Danza e expresión corporal sobre patíns.

  • GRUPO 1: Infantil e Primaria
    Luns e mércores, de 12:30 a 13:30 h.
  • GRUPO 2: Infantil, Primaria e Secundaria
    Mércores, de 16:30 a 18:00 h.

(*) Esta actividade precisa de vestiario específico
e patíns propios.

Tecnoloxía educativa

Aprendizaxe e manexo de dispositivos, entorno Google, aplicacións, iniciación á robótica, coñecemento e manipulación dos compoñentes internos de equipos informáticos, etc.

  • GRUPO 1: de 3º a 6º de Primaria
    Luns e mércores, de 16:30 a 17:30 h.
Taekwondo

Arte marcial que mellora a coordinación, plasticidade e equilibrio mediante a práctica de diferentes técnicas e movementos defensivos.

  • GRUPO 1: Infantil e Primaria
    Luns e mércores, de 16:30 a 17:30 h.

Clube deportivo

Sección futbol sala

Organízanse diferentes equipos, cun máximo de 12 xogadores/as por equipo.

  • MINIS MIXTO (Escola Deportiva): os luns e mércores de 17:30 – 19:00
  • PREBENXAMÍN MIXTO: os martes exoves de 17:30 – 19:00
  • BENXAMÍN MIXTO: os luns e mércores de 17:30 – 19:00
  • ALEVÍN MIXTO: os martes e xoves  de 17:30 – 19:00

Sección baloncesto

Ofértanse equipos de Infantil a Senior, tanto Masculinos como Femeninos. Os horarios de adestramento decídende cada ano, seno os horarios nas franxas de 12:30 a 13:30 ou a partir das17:30h.

O clube colabora tamén co colexio Don Bosco, Salesianas de Coia.

Escola de Idiomas

A oferta de actividades de Inglés faise en colaboración con SYNERGY DIDACTIC. Ofértanse grupos de escola de inglés en diferentes formatos e horarios:

  • Basic: Inglés. Grupos de Infantil, Primaria e ESO.  1 sesión/semana. 17:40-19:00
  • PLUS: Inglés, Francés, Alemán e Italiano. Grupos de Infantil, Primaria e ESO.  2  sesións/semana. 12:40-13:30
  • EXAM: Inglés. Grupos de ESO e Bacharelato. Orientados a preparar o exame CAMBRIDGE. 1 sesión/semana. 16:30-18:20,