O mes de febreiro vénnos este ano con dous días menos, pero iso non vai impedir que sigamos lendo.

O alumnado do club de lectura en lingua castelá anda mergullado nun título apaixonante, El efecto Frankenstein de Elia Barceló. Se che gusta a fantasía, o romance, as viaxes no tempo e a aventura, nesta novela atoparás abundantes doses de todo iso. Lembra que estás a tempo, as sesións de coloquio serán á volta de entroido (semana do 19 ao 23 de febreiro).

O club de lectura de adultos propúxose ler un clásico da nosa literatura contemporánea, Nada, de Carmen Laforet. E, aínda por riba, van combinar este título cunha marabillosa antoloxía de poemas titulada Poesía española 1900-2010 editada por Castalia Fuente. A data fixada para dialogar sobre estas obras será o 21 de febreiro, así que apúntate á lectura, que sempre aproveita.