NOVAS ADQUISIÓNS DA BIBILIOTECA: A RECONQUISTA
MATERIA: Narrativa, mundo que me rodea.
IDADE RECOMENDADA: de tres anos en diante
CONTIDO (da páxina da editorial):
No patio do colexio de Lúa prodúcese todos os días unha invasión que deixa moitas nenas e nenos sen espazo para desfrutar do seu tempo de recreo.
Porén, grazas á súa tenacidade, Lúa vai poñer en marcha unha pequena onda que rapidamente se converte nun tsunami de solidariedade.
CINCO MOTIVOS PARA RECOMENDARCHO:
Foi a obra gañadora ex aequo do I PREMIO FINA CASALDERREY de literatura infantil pola igualdade en 2018.
Mestura a narración e a información de forma moi eficaz para romper os prexuízos de xénero.
Pinta a realidade do patio dun colexio con coñecemento de causa.
Expón solucións á ditadura do fútbol como xogo dos recreos.
Aínda que é un relato moi sinxelo, convida a reflexionar sobre cuestións tan complexas como a rebeldía ou a forza da loita colectiva.
