NOVAS ADQUISIÓNS DA BIBILIOTECA: El cuerpo humano. Secretos, datos divertidos y curiosidades.
MATERIA: ciencias, medicina.
IDADE RECOMENDADA: de nove anos en diante
CONTIDO (da páxina da editorial):
Este non é outro libro de anatomía! Con segredos, datos divertidos e curiosidades, O corpo humano propón unha maneira moi didáctica de descubrir o teu propio corpo desde unha nova perspectiva, aprendendo sobre a anatomía humana.
Unha viaxe apaixonante ao teu interior da man de Cristina Peraboni, con longa experiencia na divulgación científica, e as ilustracións dunha grande especialista na infografía científica como Giulia de Amicis.
CINCO MOTIVOS PARA RECOMENDARCHO:
As obras de VVkids cativan co seu gran formato e coidada presentación.
En apenas setenta páxinas radiografía o corpo humano de forma completa e apaixonante
Presenta a anatomía humana a través de curiosidades e compara a nosa bioloxía coa dos animais, de maneira que o lector acaba apreciando a vida en toda a súa riqueza e variedade.
Os fantásticos debuxos infográficos e o texto compleméntanse de maneira harmónica e fluída.
O aparello gráfico sintetiza con tanta claridade a información que mesmo un lector preguiceiro aprenderá coa simple ollada atenta do libro.
