Que é Blocksi

Blocksi é a ferramenta que filtra o contido web e axuda a controlar o tempo de uso do dispositivo do alumnado que contratou o servizo. O colexio xestiona o filtro base; vós, coa app Blocksi Parent, podedes engadir as vosas propias regras na casa.

• Filtro reforzadoO colexio aplicou un filtro máis restritivo ca ao do resto do alumnado.
• Configuración inicialÉ o primeiro curso con Blocksi, así que a configuración pode axustarse durante o ano. Se xurdise algunha incidencia, iremos resolvéndoa.
• Ferramentas para vósCoa app podedes bloquear ou permitir webs, fixar horarios e consultar informes de navegación.

Que tedes que facer

1. Cubride o formulario. Indicade o nome do alumno/a, o curso e o correo electrónico co que queredes xestionar o seu dispositivo. Atoparedes a ligazón no comunicado.
2. Agardade o acceso. Ao longo da próxima semana, conforme nos vaiades respondendo, enviarémosvos o acceso.
3. Instalade a app e entrade. Está explicado no seguinte apartado.

Instalar a app e entrar

1. Descargade Blocksi Parent na App Store (iPhone) ou en Play Store (Android).
2. Se o voso correo é de Gmail, tocade Sign in with Google e escollede a conta. Se non, entrade co email e contrasinal da conta que creastes en Blocksi.
3. Xa dentro, tocade a engrenaxe (arriba á dereita) e cambiade a zona horaria e o idioma.

A pantalla de inicio

Ao entrar aparece o voso fillo/a. Dende aquí controlades o esencial:

• Control de tiempo: desplegable para aplicar un horario de bloqueo.
• Lista de excepciones: desplegable para aplicar as vosas webs permitidas ou bloqueadas.
• Pausar internet: interruptor que corta todo o acceso a internet ata que o desactivedes.
• Hoxe e Onte: resumo de enderezos permitidos e bloqueados, para botar unha ollada rápida.

Permitir ou bloquear unha web

1. Tocade a icona dos reguladores (a segunda do menú de arriba) e a pestana Lista de excepciones.
2. Tocade Crear e poñede un nome á lista.
3. Tocade Agregar URL e escribide ou pegade o enderezo da web (por exemplo, exemplo.com).
4. Marcade Permitir ou Bloquear. Podedes cambiar cada web cando queirades.
5. Na pantalla de inicio, aplicade a lista ao voso fillo/a no desplegable Lista de excepciones.

Horarios de bloqueo

Podedes escoller en que franxas se bloquea unha categoría (YouTube, streaming, xogos, redes sociais) ou a hora de durmir, que bloquea todo.

1. Na icona dos reguladores, abride a pestana Control de tiempo de acceso.
2. Escollede a categoría arriba: Hora de dormir, YouTube, Streaming, Juegos, Social.
3. No día que queirades, tocade +, marcade a hora From (desde) e To (ata) no reloxo e aceptade.
4. Copiade o horario ao resto dos días coa icona de copiar: marcade os días e confirmade.
5. Aplicade o horario na pantalla de inicio, no desplegable Control de tiempo.

Informes de navegación

Tocade a icona do gráfico. Hai dúas pestanas, Web e YouTube, e podedes escoller o período: hoxe, 24 horas, 7, 30 ou 90 días, ou 6 meses.

• Webs máis visitadas
• Categorías máis visitadas
• Tempo que pasa en cada páxina
• Consumo de YouTube
• Consultas en buscadores

Dúbidas habituais

Algúns consellos

• Pactade as normas en familia. Os horarios funcionan mellor cando se explican antes de aplicalos.
• Falade co voso fillo/a. Explicádelle que hai un filtro e para que serve.
• Usade os informes para conversar, non só para controlar.
• Hora de durmir sen pantallas. O bloqueo nocturno axuda a manter a rutina.
• Comezade con poucas regras e axustádeas segundo a idade: non é o mesmo 6º de Primaria ca 4º de ESO.